المواطن محمد البرادعى رئيسا لمصر

4 Dec

بسم الله الرحمن الرحيم

طبعا موضوع البرادعى ده بدا كالفقاعة إلى بتكبر مع الزمن وأنا مش عايز انظر على حد من إلى هايتفضلوا عليا ويقروا ألتدوينه دى بس عايز أقول كذا حاجه كده أولا برغم حبي للبرادعى فمقدار تفاؤلي بما سيحدثه عند توليه الرئاسة في حاله حدوث ذلك سيكون متواضع جدا لما كنت أتمنى أن يحدثه البطل الاسطورى الغير موجود بالفعل والذي يصلح لحكم مصر ودا طبعا لأننا وقعنا في غلط كبير إننا لازم نعتبر أن الراجل إلى هايجى بدل الرئيس الحالي حسنى مبارك هايكون عادى واقل من عادى كمان بس طبعا عشان أقول رايى لكم في الموضوع ده والى الناس فجاه بتكلم عليه والمفروض إننا اتاخرنا أوى في الموضوع ده فمصر دوله تحتاج في الفترة التالية لحكم مبارك إلى شخصيه عاقله هادئة أيا كانت تعبر بمصر من فتره معروف صفتها ونعلها واقل واحد في مصر يعرف يقولك إيه إلى حاصل في مصر وإيه وضعنا بس إلى ما حدش عايز يستوعبه أننا شئنا أم أبينا فالفترة التالية لحكم حسنى مبارك ستشهد انقلابات فكريه واجتماعيه وفى نظام الحكم انقلاب كلى وطبعا إما سيكون في الاتجاه الصحيح أو الاتجاه إلى الهاوية ومن يتحدث عن هدوء الشعب المصري أحب أقوله انه واهم الشعب المصري إلى كاسره الوقتي التضييق الامنى غير المسبوق في اى عصر ودا حاجه واضحة للجميع ومش هاقول إيه إلى بيحصل ومخلى الناس واكله جزمه في بوقها وساكتة ودا بالتأكيد مش هايبقى وضع مسيطر عليه فاقل مظاهره حصلت في المحلة الكبرى أوضحت مدى الوضع إلى عايشه المصريين أحب أكد برده على حاجه تالته إن الدوافع إلى كانت بتخلي المصريين ياخدوا على أفاهم ويتقبلوا الوضع الغلط ده موضوع السلام وان ما فيش حرب وان الإرهاب برده في فتره إنما إلى حصل طبعا من إضرابات ولازم نعرف إن الراجل إلى طلع في الإضراب ده بيضم آراء أولاده وأحفاده حاجه رابعة كنت قريت إن جمال أو محمد حسنى مبارك في حال ترشح اى منهما يستندان إلى ما يلي طبعا المتوقع أنهم يروحوا الانتخابات الجايه ممكن يزيدوا شويه إلى 30 مليون ودا طبعا لان الرياسة هاتبقى بعد الشعب ..

..وفى الموضع ده أحب ا وضحلكم حاجه بس إن ممكن تكون الشعب اسخن فعلا مما نتوقع وممكن يحصل اضطرابات كنيره وممكن تتأجل وممكن يحصل حاجات ما حدش متوقع حدوثها ………… ولكن لأننا بنتحدث على الرياسة لأنها المؤثر الرئيسي في الحياة المصرية أحب أقولك واكدلك إنها بالتأكيد لن تكون سهله على اى من يدخل منافسا فيها. إلى باه بلف وأدور وأتكلم عليه من الصبح موضوع البرادعى وليه البرادعى وليه البرادعى بالذات في الفترة دى وإيه موقف الإخوان منه وليه الموقف البارد من جانبها من ناحيته وإيه موقف الأحزاب والحركات المصرية وإيه المتوقع منهم وإيه المطلوب

أولا موقف الباشا إلى كاتب التدوينه من الفيلم دى يعنى هاتبقى مدونتي وما اقولشى رايى في الموضوع ده

……..

.

……المهم أولا

أنا أؤيد موضوع البرادعى ده وده عشان شويه حاجات كده أولا انه الحل واقعي ازاى في الفترة الجايه دى مصر هات خسر زيادة على إلى بتخسره سنويا من ثقلها العلمي و مسكها واحد مقبول داخليا فقط فقبول شخص في الخارج يكاد يتساوى في أهميته لتساوى عن القبول الشعبي الداخلي ودا طبعا متوافر بشده فى البرادعى

ثانيا

لمن يكرهون الحكومة المصرية والامريكيه بشده يكفيه أن يعرف أن مصر كحكومة لم تدعم البرادعى رئيسا للوكالة الدولية للطاقة النووية وطبعا دا في الفترة الأولى وبعدها أمريكا أرادت إسقاطه في الفترة الثانية يكفيك ذلك ودا رد برده على إلى يقولوا عليه انه امريكانى

ثالثا موضوع انه ما يعرفش إلى بيحصل في مصر

وهو سويسري ويشويه حاجات كده من بتوع الهطل بتوع التوكتوك شو ز في مصر أحب أقولهم إن فضيحة مصر بجلا جل لا تجعل لاى شخص يريد أن يتابع الموقف في مصر لا يستطيع ذلك وأحب أقولكم انه في لقاء مع منى الشاذلي أتكلم عن العشوائيات والفقراء وعلى فكره هو ببزور مصر وكفاية عليه وظيفة أبوه الوفدي إلى كان نقيب للمحامين في مصر

رابعا إلى أتقال فوق اتهامات إلى جاى ده انجازات

هي في مخيلتي انه مش هايشقلب مصر ودي حاجه معروفه بس الأكيد انه هايكون مختلف عن سياسة التفطيس إلى ينتهجها مبارك ودا كفاية عليا ودا يكفى لدخول مصر بإمكانياتها الفظيعة عصر العلم ثم عصر الكرامة

خامسا التغيير عمليه نفسيه

شديدة التأثير الايجابي فما بالك لو كان التغيير ده فى الاتجاه الصحيح

سادسا موضوع عالم

ده هو مش عالم يا جماعه وما تصدقوش الحملة الاعلانيه إلى كل التوك شوز هايلتزموا بيها غصب عد دين أمهم فهل تصدق إن برنامج زى 48 ساعة إلى يستضيف أيمن نور المعارض رقم 1 في مصر يتقلب مره واحده كده على البرادعى وهو يبقى أوحش من ليبرمان ………………………………………………………………………………………

…………………. في الشويه الجابين دول هاستعرض مواقف القوى السياسية في مصر

الإخوان……وأحزاب العمل

وغيرهم طبعا موقفهم الغير واضح ده نتيجة لان موقف البرادعى مش واضح وهما مش ناقصين تصعيد بس شايف التقارب بين الاتجاه الاصلاحى فيهم والليبراليين المصريين أتوقع دعما غير محدود من الإخوان للبرادعى ودا طبعا سيكون كفيل بان تهمه انتماء البرادعى لأمريكا بالنسبة للتأثير على قليلى الثقافة في مصر ستتكون ضئيلة فلا يعقل إن إلى بشتم في أمريكا طول النهار هو من يدعم أمريكيا !!!!!!!!!

الأحزاب الليبرالية ….

الغد الوفد الجبهة الدستوري وغيره وكفاية جورج أظنهم هم أول المتحمسين له ودا حاجه باينه للجميع

اليساريين

أتوقع للتجمع لم يعد له تأثير على ارض الواقع ولو ليه تأثير أكيد لو ايجابي مش هايزود كنير بل ممكن يطلع الإخوان من التحالف ولو سلبي مش هاياثر جامد

الناصريين

طبعا الواضح انه هايتعاطوا ايجابيا مع الحملة

الكرامة وكفاية قنديل

ومستقلين من شاكلة بكرى أتوقع إن الكرامة هايكون ايجابي بس طبعا الاثنين التانيين يبقوا حسب التساهيل

الحزب الوطني

ده طبعا مش فكره دا مصالح و اى عضو فيه سيكون رأس حربه ضد البرادعى إلا من رحم ربى من داخل الحزب بس هل فعلا ال4 مليون صوت هايكونوا في جيب جمال مبارك أو الرئيس حسنى في حال ترشحه بصراحة مش قادر أقيم موقفهم

الجيش

طبعا موقفه غامض بس أتوقع انه مش هايسكت لو جمال خدها بالتزوير بس توف من بوقك عمر ما جيمي ياخدها بالشفافية ولا حتى حسنى مبارك زى ما قال الفقى في بلا حدود

الأقباط

أتصور إن الملتزمين منهم سيلتزمون بقرار الكنيسة السياسي وان كان متغير وممكن يتغير بس بالتأكيد البرادعى أفضل للأقباط مش من الإخوان طبعا دى حاجه مفروغ منها حتى كحاله نفسيه بس أفضل من الرئيس مبارك وأفضل من جمال أيضا بس أتوقع قطاع كبير من الأقباط سيؤيدون البرادعى وان كان برده موقف الكنيسة هايكون مؤثر

أمريكا وإسرائيل

أتوقع أنهم سيكونوا اكتر ناس زعلانينمن نجاح البرادعى وان كان موقفه من إسرائيل مش هايكون متشدد ولكن إذا تعامل معها الند بالند فسيكون مقارنه بالوضع الحالي هو إعلان حرب

دول العرب وإيران

أظنه سيحسن علاقاتنا بسوريا وإيران بالطبع واكتر منهم تركيا وسيحاول الاستفادة من إمكانيات الخليج وعلاقتهم المتشبعة ولكن طبعا موضوع ليبيا أتوقع عدم انسجام بينهم في حال بقاء القذافى وفى حاله وصول ابنه أتوقع ربيعا بين مصر وليبيا إما السودان فللأسف هايكون وصل بعد تقسيم السودان هايحاول في موضوع دارفور لأنها هاتكون على السطح بشده بعد انفصال الجنوب

الاقتصاديين المصريين

طبعا معظمهم سيكون ضده ممكن أشيل منهم بالاسم مالك قناة الحياة الوفدي السيد البدوي وأيضا ساو يرس ورجال العمال الأوفياء في الخارج وكثير من صغار رجال الإعمال في الداخل مما تعوقهم البيروقراطية والرشاوى وغيره

أتمنى إنكم ما تكو نوش اتخنقتوا منى وتكونوا استمتعوا بالقراءة وما ندمتوش على الوقت إلى ضاع وأحب أقولكم شويه حاجات في الأخر

يا برررررررررررررررررادعى البرادعى العربي …………أم الاجنبى يا برا ادعى .

…يا رعبهم يا برادعي يا إلى قولت لمنى الشاذلي إنا بالقول لحسنى على اقتراحات وما قالهاش اوباما قال أنا استفيد منه

بحبك يا برادعي إذا كنت عالم أو حقوقي أو بصلعه حتى بحبك يا براااادعى

تخيل إن رئيسك كان واخذ نوبل وتقيل دوليا تبقى دية زيادة في كرامه مصر والمصريين

تخيل في المقابل إن يكون رئيسك حسنى أو حتى جمال يا بشر جمال ولا البرادعى يا نهار ابيض

يكفيك يا برادعي إن ما فيش اسجر لحد الوقتي من الكبار يقول عنك كلمه وحشه

يكفيك إن ونت لسه بتقول بفكر أنى أترشح إن الأحزاب كلها عايزه تاخدك ……………..

……….أبشركم يا جماعه ….

………..البرادعى رئيس مصر في الفترة بين 2011 -2013 وبعدها هو هايصلح البلد وها يعمل دستور وهايظبطنا

اوعى البرادعى يا حسنى

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: