تعليقات الناس الموز على موقعى اليوم السابع والعربيه …طبعا التعليقات الصح بس مش الهطل

10 Dec


نبدا بتعليقات القراء على اليوم السابع
كان هذا تعليقى على رئيس تحريرك

بواسطة: mazen
بتاريخ: الخميس، 10 ديسمبر 2009 – 00:59

مواصفات رئيس مصر القادم من وجهة نظر المعترضين على البرادعى . 1 . ان يكون مصاب بالبلهاريسيا والكبدى الوبائي {سى} والسكر . او احدى هذة الامراض كحد ادنى. وذلك ليشعر بالام الشعب . 2 . ان يمتلك توك توك غير مرخص .على ان يسحب منة ويوضع فى الحضانة مرة واحدة كحد ادنى وذلك ليشعر بمعاناة الشعب .3 . ان يكون من سكان المقابر على ان تكون قد انهارت على دماغة صخرة واحدة على الاقل كحد ادنى. وذلك ليشعر بدماغ الشعب . 4 . ان يعرف الفرق بين ابو تريكة ومحمد حسان والربع جنية اثناء شرب كوب مياة بالمجارى مرة واحدة {ون شوت} كحد ادنى وذلك ليشعر بتيفود الشعب . 5. ان يتعرض للضرب من امين شرطة مرتشى ويحجز بقسم شرطة ويتم هتك عرضة وتصويرة بالموبايل ولو مرة احدة كحد ادنى وذلك ليشعر بمؤخرة الشعب . . وبما ان البرادعى لا تتوافر فية الشروط السابقة فمن العيب ان يرشح نفسة.{ هذا هو راى الصحف القومية}
انا مع البرادعى

بواسطة: عبد الحميد بدوى
بتاريخ: الأربعاء، 9 ديسمبر 2009 – 20:02

انا مع البرادعى انتم مع مين
مع اللى حاكم البلد من تلاتين سنة
ولسة مش عارفين البلد رايحة فين
وكل اما حد يتكلم يقول اصلكم مستعجلين
مع اللى عمل البلد فريقين
فرقة كورة وفرقة فنانين
هما دول اللى عليهم العين
وكل منافق بيهتف بأسمه وحكمتة وكأنه من المرسلين
وما اكتر المنافقين
اما الشعب يشرب المر يشوف الذل يشيل الطين
انا مع البرادعى فى كل كلامة
امال يضمن انتخابات نزيهة ازاى
وقبل الانتخابات عايزين يتغير الدستور
عايزين كل واحد فينا يكون له كلمة ودور
لحد امتى هتفضل العملية فى النملية
والديمقراطية فى البلد مجرد ديكور
ودلوقتى بيقولوا مش فاضين احنا لسة معدلين
قصدهم لسه مفصلين
ولو هما عايزين حاجة تتعمل فى ساعتين
انا واحد من الناس عايز البرادعى لسببين
لانه بعيد عن العصابات وبعيد عن الفساد والمفسدين
بيقولوا من تلاتين سنة وهو برة بس صدقونى شايف مصر
اكتر من اللى جوة اللى جوة مضحوك عليهم ومفيش حاجة فى ايديهم
انا مع البرادعى ولازم كلنا نبقوا معاة لانه بالعربى هو طوق النجاة
انا عارف ان الموضوع صعب بس كله على الله
يقولوا معاة جنسيتين يقولوا عميل
بيسودا صورتة
ودة كله علشان مرعوبين
واسالوا الغاز اللى بيروح اسرائيل
وانتم هتعرفوا مين مع مين
واسالوا غزة اللى بتموت
والحدود اللى بتنضرب عمال على بطال
من غير سبب
هتقولوا طالب طلبات تعجيزية
يقدر اى حد ينجح غير جمال
طبعا نجاحة مش محتاج احتمال
وفى الاخر وفى الاول هيقولوا الريس ابن الريس
وابن الوز عوام مهى بقت بركة والسلام

والطبالين والزمارين والمنفاقين ورجال الدولة
وللاسف كمان رجال الدين
ووكالات الاعلام المصرية والقناة الاولى والقناة التانية
تبث للشعب الغلبان ان الريس مبارك
جاب لمصر احلى هدية وهو طبعا ابنة جمال
وربنا يخلى العيال ويحفظ الجرائد الحكومية
واللى يقول مولود فى المطبخ السياسيى
والى يقول شاب طموح
واللى يقول جمال فلتة زمانة والشعب لازم يحمد ربنا علية
ويبوس ايدية ورجلية
وكلام كدب وناس مصلحجية
مش عارف بس اقول اية
طالما كل حاجة فى مصر حلوة
البلد مبتقدمش خطوة لية؟؟
تعرفوا احنا اتقدمنا فى اية
فى التزوير والتعذيب والواسطة والمحسوبية
والفساد والاستبداد واللى بقى اكبر واقوى مؤسسة قومية
اللي يحضر العفريت لازم يعرف يصرفه

بواسطة: عبد الحميد الاسيوطي
بتاريخ: الثلاثاء، 8 ديسمبر 2009 – 12:46

ولما لا تقتنص أنت وغيرك من حاملي الاقلام ذلك – الخطأ – وتلك الفرصة وتقومون بالحشد النفسي للجماهير من أجل التغيير …
وبدلا من يتحول ( جس النبض ) من سلاح تستخدمه الحكومة في تخدير الناس…لما لا نقتنص ذلك ونحوله الى سلاح لفرض الامر الواقع على رقبة الحكومة….التي لن تستطيع مجابهو جبهتين في وقت واحد..جبهة الشعب المصمم على تغيير النظام…وجبهة العالم والاعلام الخارجي….فلا تجد نفسها الا بين شقي الرحى الذي صنعته بيدها….

اذا كنت تعتقد بأن النظام يلعب لعبة جس النبض واطلاق بالون أختبار كبير لمعرفة اتجاهات النيران التي ستنطلق تجاههم يوم الانتخابات….فلنستغل تلك الفرصة يارشدي ونشعل بها حماسة الجماهير ونحول الوهم الى حقيقة…..بحيث يتجسد قائما وحقيقيا أمام النظام نفسه…

المثل الشعبي يقول ( اللي يحضر العفريت لازم يعرف يصرفه )…فساهم أنت ومن معك يارشدي في عدم صرف ذلك العفريت…..حتى يقوم بحرق الساحر الذي أحضره…

لا تطفيء الامل في قلوب الناس يارشدي…..وهذا لن يكون تخديرا…بل سيكون استغلال للفرصة…وقنص لهدف يظنه الجميع عسيرا على الاصابة…..
من أسامة سرايا لمحمد على ابراهيم

بواسطة: أسامة القصاص
بتاريخ: السبت، 5 ديسمبر 2009 – 15:41

من أسامة سرايا لمحمد على ابراهيم ياقلبى لاتحزن الخلاف لايفسد للود قضية الدكتور البرادعى اعتذر بطريقة نووية والنبى الغالى تقول لهم ياعم أكرم .أنا البرادعي ……يا رشدي

بواسطة: زيكـو
بتاريخ: السبت، 5 ديسمبر 2009 – 18:45

مسلسل قديم زمــــان كان فيه عبد الله غيث وسهير البابلي وكان من المطاريد والظابط كـــــان جوز سهير البابلي وأكثر مشاهده سخونة أنا البرادعي ……يا حسني…أأأقصد يا رشدي
اللي شبكنا يخلصنا

بواسطة: سامي
بتاريخ: السبت، 5 ديسمبر 2009 – 18:48

اللي شبكنا يخلصنا

تعليقات موقع العربيه
مصر تحتاج البرادعي لا العكس
مصري في السعودية (زائر)
|
04/12/2009 م، 06:14 مساءً (السعودية) 03:14 مساءً (جرينتش)
اللهم وفق شعب مصر بأختيار رئيسها بنفسه ..
عيزنها تبقة نزيهة مش لاواحظ
المحترم البرادعى (زائر)
|
04/12/2009 م، 06:22 مساءً (السعودية) 03:22 مساءً (جرينتش)
اية الغلط فى لجان مراقبة دولية –حرام — ولا عيب — ولاممكن يعايروننا ان الانتخابات شفافة — حكام المباريات بيجوا يحكموا والنفوس مرتاحة انت محترم يا دكتور — البرادعى
المنافس الوحيد للبرادعى هو الرئيس محمد حسنى مبارك
المصرى الأصيل (زائر)
|
04/12/2009 م، 06:34 مساءً (السعودية) 03:34 مساءً (جرينتش)
و عدا ذلك يعتبر محمد البرادعى هو الأقرب لقلوب المصريين لحكم مصر خاصة و معظم الشعب المصرى يتشوق لحكم مدنى خالى من قانون الطوارئ المقيد للحريات … أما مسألة أن البرادعى عديم الخبره السياسيه فهذا كلام غير منطقى لرجل عمل بكفاءه طوال 12 عاما مديرا للوكاله الدوليه للطاقه الذريه و حاصل على جائزة نوبل فى السلام …. لتترك الحكومه الشعب يختار بحريه و نزاهه و هو الوحيد الذى يحق له إحتيار رئيسه أيا كان هذا الرئيس حتى لو كان نجل الرئيس الحالى .. ….
الله عليك يابرادعى
ابن النيل (زائر)
|
05/12/2009 م، 02:17 صباحاً (السعودية) 11:17 مساءً (جرينتش)
تسلم يمينك يابرادعى يافارس عصرك افعلها وتوكل على الله . والله ستجد الشعب المصرى كله الى جوارك بكل الحب والتقدير وفقك الله ورعاك وكتب الله لمصر على يديك الخير والرخاء .وثق الغرب في البرادعي حتى أصبح مدير الوكالة الدولية للطاقة النووية ولم يعترضو عليه لأنه مصري … واليوم المصريين يعترضوا عليه لأنه معه جنسية
محمد السالم (زائر)
|
05/12/2009 م، 11:34 صباحاً (السعودية) 08:34 صباحاً (جرينتش)
مصر بحاجة شديدة لرجل مثل محمد البرادعي ليضع الأسس الديموقراطية السليمة … وأحب اقول للجميع أن محمد البرادعي رجل غني جداً ليس بحاجة لسرقة اموال الحكومة والاغتناء على حساب خيرات البلد … وفي نفس الوقت الشركات العالمية في مجال الطاقة النووية تحاول السعي لتوظيفه لديها بعد خروجه من الوكالة الدولية… وهو من عائلة جدا معروفة واصيلة في مصر … بغض النظر عن اذدواج الجنسية ولاكنه مصري حتى الصميم …. وثق الغرب في البرادعي حتى أصبح مدير الوكالة الدولية للطاقة النووية ولم يعترضو عليه لأنه مصري … واليوم المصريين يعترضوا عليه لأنه معه جنسية أخرى غير المصرية عجيب
مبروك مقدما
؟؟؟؟ (زائر)
|
05/12/2009 م، 11:05 صباحاً (السعودية) 08:05 صباحاً (جرينتش)
ما دام والبرادعي سيرشح نفسه أنا متنازل عن ترشيح نفسي للبرادعي

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: